Svarið við þessu ætti að vera að álögur á byggingar ætti aldrei að auka nema ríkar ásæður væru fyrir því og þær eru ekki að finna nú. Samt er Reykjavíkurborg að hækka gatnagerðargjöld á íbúðir í nýbyggingaum um 1,8 miljónir samkvæmt fréttum, ef þeim fylgja bílageymslur, án þess að eigandi fái neinn ávinning á móti.
Aðrar og miklu meiri álögur eru kolefnisskattar sem lagður hefur verið á allar íbúðir í landinu frá 1. sept. sl. og sem fjallað er um hér á eftir. Þessi skattur gengur að vísu ekki til hins opinbera nema að litlu leyti en er ákveðinn af byggingaryfirvöldum, sem hefur eftirlit með að kolefnislosunin sé reiknuð áður en byggingin er samþykkt af viðkomandi sveitarfélagi.
Það var lítil ánægja með þetta framtak byggingaryfirvalda hjá þeim sem þurftu að gangast undir það og lesa má í tölvupóstum viðskiptavina Hannarrs þegar þeim var skýrt frá þessari ákvörðun yfirvalda.
Hannarr ehf hefur vitað af því í nokkur ár að þetta stæði til og var við því búið með því að forvinna lausn á verkefninu sem var bæði einföld og ódýr í framkvæmd fyrir notendur, en uppfyllti samtímis aðalþætti slíkra útreikninga sem er kolefnislosun byggingarefna. Þetta hafa notendur BYGG-kerfisins getað nýtt sér undanfarin þrjú ár. en skráðir notendur kerfisins eru í dag 685 og einn af þeim var HMS.
HMS er framkvæmdar- og eftirlitsaðili þessa fyrirkomulags og óskuðum við því eftir fundi í júní sl. með þeim til að fara yfir málið og heyra hvernig útfærslan yrði samkvæmt þeirra ákvörðunum. Þessi fundur var haldinn 25 ágúst sl. eða sex dögum áður en álögurnar áttu að taka gildi.
HMS kynnti kröfur sínar um upplýsingar og útfærslur á þessum fundi, sem kölluðu á umtalsverðar viðbætur við BYGG-kerfið sem nú er lokið við að gera, nema ef HMS kemur með nýjar kröfur. Kerfið heldur sínum eiginleikum sem eru að Lífsferilsgreiningin, sem er nú nafnið á þessum útreikningum, byggir á opinberum og viðurkenndum losunarbönkum sem eru í gildi t.d. á norðurlöndum og greiningin gerist nánast sjálfvirkt í kerfinu. Ef notandinn hefur í höndum gilt vottorð einhvers efnisframleiðanda upp á lægri kolefnislosun þá getur hann látið það fylgja með gögnum sínum til HMS sem þá skoðar það, ef ferlið er eins hjá HMS og það er á norðurlöndunum.
Á fundi hjá Samtökum Iðnaðarins 22 okt. sl. var kynnt reynsla Dana af því að koma á lífsferilsgreiningu í Danmörku, sem var komið á árið 2023. Fram kom að reynsla þeirra væri sú að vinnan við hverja lífsferilsgreiningu væri á bilinu 50 til 500 klst. Ætla má að kostnaður húsbyggjenda sé samkvæmt því á bilinu 1,5 milljón kr. til 15,0 milljónir kr. fyrir hvert hús.
Fjöldi íbúða byggðar árlega í landinu er á bilinu 2.000 til 4.000 og ef árleg upphæð er miðað við meðaltalið þ.e. 3000 íbúðir verður árlegur kostnaður á bilinu einn til einn til einn og hálfur milljarður. Þetta er há upphæð og spurning hvort ekki megi gera eitthvað betra við peninginn og fá jafnframt sömu lífsferilsgreiningu gerða án þessa gjalds. Lífsferilsgreiningu sem vinnur út frá viðurkenndum losunarbönkum og út frá viðurkenndum greiningaraðferðum.
Markmið núverandi ríkistjórnar er að draga úr byggingarkostnaði að eigin sögn, m.a. með því að draga úr opinberum kröfum til húsbyggjenda. Hér er bent á einfalda leið sem sparar en uppfyllir jafnframt kröfur lífsferilsgreininganna..